Чăваш таврапӗлӳҫисен пӗрлӗхӗ

Союз чувашских краеведов

Чăвашла Русский

Таврапӗлӳ вӑл...

«Таврапӗлӳ культурӑн пӗр пайӗ пулнӑран вӑл культурӑна музей тата педагог ӗҫӗн архивӗсене тӑвассипе, пухусем ирттерессипе, ҫамрӑксене тӗрлӗ кружоксемпе пӗрлӗхсене пухассипе, туризма аталантарассипе, хорсем тата алӗҫ артелӗсене йӗркелессипе тачӑ ҫыхӑнтарать».


«Таврапӗлӳ ӑслӑлӑх кӑна мар, ӗҫ те вӑл».

Дмитри Лихачёв академик

07.09.2019 16:05
Николай Малышкин ҫырнă «Елчĕк ҫĕрĕ ҫитĕнтернĕ» кĕнеки пичетленсе тухнă

Шупашкарти «Çĕнĕ вăхăт» типографире «Елчĕк ен» хаçат тĕп редакторĕн Николай Малышкинăн черетлĕ кĕнеки — «Елчĕк çĕрĕ çитĕнтернĕ» — пичетленсе тухнă.

Николай Малышкин кĕнеке кăларас ĕçре çĕнĕ çын мар. «Елчĕк çĕрĕ çитĕнтернĕ» унăн виççĕмĕш «пепки». Чи малтанах, 2000 çулта, вăл культурăра, искусствăра, литературăра палăрнă ентешсем çинчен «Елчĕк енĕн пултарулăх çыннисем» кĕнеке кăларнăччĕ. «Елчĕк çĕрĕ çитĕнтернĕ» кĕнеке шăпах пĕрремĕш кĕнекен тăсăмĕ.

Иртнĕ кĕнекере 66 паллă çын тата районти 4 пултарулăх ушкăнĕсем кĕнĕ пулсан, хальхинче 88 ятлă-сумлă çынсемпе пĕрлех сăмахлăхра тата халăх ятне тивĕçнĕ фольклор ушкăнĕсем те вырăн тупнă.

«Елчĕк ен» хаçат редакторĕ Николай Малышкин районтан тухнă литература, культура, искусство, ỹнер çыннисене кашнийĕн пĕлмелле тесе шутлать. Вĕсем районăн культура аталанăвĕнче пысăк йĕр хăвараççĕ. Шкул ачисемшĕн чăннипех те питех те кирлĕ пособи вăл.

«Елчĕк ен» хаçат материалĕсем тăрăх