Чăваш таврапӗлӳҫисен пӗрлӗхӗ

Союз чувашских краеведов

Чăвашла Русский

Сорокин Сергей Лазаревич 1973 ҫулхи чӳк уйӑхӗн 24-мӗшӗнче Сӗнтӗрвӑрри хулинче ҫуралнӑ. 1990 ҫулта Шупашкарти 35 №-лӗ вӑтам пӗлӳ паракан шкултан, 1995 ҫулта – электромеханика техникумӗнчен, 2000 ҫулта – И.Н. Ульянов ячӗллӗ Чӑваш патшалӑх университетӗнчен вӗренсе тухнӑ.  «Бытовкин» тулли мар тивӗҫлӗ обществин ертӳҫи. Ҫемьеллӗ, виҫӗ ача ашшӗ. Асли, 16 ҫулхи ывӑлӗ Виктор, хисеплӗ таврапӗлӳҫӗ ята тивӗҫнӗ, музей йӗркеленӗ, час-часах хулашсене чавса тӗпченӗ ҫӗртре хутшӑнать.

Сергей Лазаревич Шупашкар районне кӗрекен Атӑлъял ялӗнче клуб, этнографи комплексӗ, уҫӑ тӳпе айӗнчи бассейн, Станьял ялӗнче – Таврапӗлӳпе туризм центрне туса лартнӑ.

2015 ҫулхи ака уйӑхӗн 9-мӗшӗнче Сергей Сорокин Чӑваш таврапӗлӳҫисен пӗрлӗхӗн хастар ертӳҫи пулса тӑрать.