Раштав уйӑхӗн 4-мӗшӗнче Чӑваш енри «Культура» наци проекчӗпе Шӑмӑршӑ муниципалитет округӗнче ҫӗнӗ тӗслӗхлӗ вулавӑш уҫӑлчӗ. Унти 9 хутлӑхра оргтехника, мультимедипе интерактив хатӗрӗсем, ача-пӑча валли тӗрлӗ вӑйӑсем, электронла ҫӗнӗ кӗнекесем пурин кӑмӑлне те тивӗҫтерме пултараҫҫӗ.
Шӑмӑршӑри таврапӗлӳҫӗсем библиотекарьсемпе тачӑ ҫыхӑнса ӗҫлеҫҫӗ. Халӗ хӑтлӑ тата компьютерсемпе, интерактивлӑ техникӑпа пуянланнӑ библиотекӑра кирлӗ информаци шыраса тупма питӗ меллӗ. Пире Шӑмӑршӑ тӑрӑхӗн энциклопедин 2-мӗш томне хатӗлес ӗҫре ҫак ҫӗнӗлӗх пысӑк ҫӑмӑллӑх кӳрет, мӗншӗн тесен интернет уҫлӑхӗ урлӑ паллӑ ентешсемпе ҫыхӑну тытма, кирлӗ хыпарсене хӑвӑрт шыраса тупма ҫул уҫӑлчӗ.
Зоя Головинская, Чӑваш таврапӗлӳҫисен пӗрлӗхӗн Шӑмӑршӑ тӑрӑхӗнчи уйрӑмӗн председателӗ
